ಕೆಎಸ್‌ಸಿಎ ರಾಯಚೂರು ವಲಯದ ಅಂಡರ್-14 ಅಂತರ ಜಿಲ್ಲಾ ಕ್ರಿಕೆಟ್ ಪಂದ್ಯಾವಳಿ ಆರಂಭ: ಬಾಗಲಕೋಟೆ ಹಾಗೂ ರಾಯಚೂರು ತಂಡಗಳಿಗೆ ಭರ್ಜರಿ ಜಯ. ಜಯ ಧ್ವಜ ನ್ಯೂಸ್ ,ರಾಯಚೂರು,ನ.7- ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (KSCA) ರಾಯಚೂರು ವಲಯದ ವತಿಯಿಂದ ಅಂಡರ್-14 ಅಂತರ ಜಿಲ್ಲಾ ಕ್ರಿಕೆಟ್ ಪಂದ್ಯಾವಳಿಯನ್ನು ರಾಯಚೂರಿನ ಎಲ್‌ವಿಡಿ ಕಾಲೇಜು ಮೈದಾನ ಹಾಗೂ ಕೆಎಸ್‌ಸಿಎ ಕ್ರಿಕೆಟ್ ಮೈದಾನದಲ್ಲಿ ಆಯೋಜಿಸಲಾಗಿದ್ದು, ಪಂದ್ಯಾವಳಿಗೆ ಚಾಲನೆ ನೀಡಲಾಯಿತು. ಪಂದ್ಯಾವಳಿಯ ಉದ್ಘಾಟನಾ ಕಾರ್ಯಕ್ರಮದಲ್ಲಿ ರಾಯಚೂರು ವಲಯದ ಮಾಜಿ ಸಂಚಾಲಕರಾದ ಶ್ರೀ ಸೇತು ಮಾಧವ್ ರಾವ್, ರಾಯಚೂರು ವಲಯದ ಅಧ್ಯಕ್ಷರಾದ ಶ್ರೀ ಚಂದ್ರು ಮೈಲಾರಿ, ಜಿಲ್ಲಾ ಸಂಯೋಜಕರಾದ ಶ್ರೀ ಎನ್. ವಿನಾಯಕ ರಾವ್ ಹಾಗೂ ಟಿಎಸ್‌ಎಸ್ ಸದಸ್ಯರಾದ ಶ್ರೀ ವಿಷ್ಣು ಚೌಧರಿ ಉಪಸ್ಥಿತರಿದ್ದರು. ಮೊದಲ ಪಂದ್ಯ: ಬಾಗಲಕೋಟೆಗೆ ಭರ್ಜರಿ ಜಯ. ಎಲ್‌ವಿಡಿ ಕಾಲೇಜು ಮೈದಾನದಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಬೀದರ್ ಮತ್ತು ಬಾಗಲಕೋಟೆ ಜಿಲ್ಲೆಗಳ ತಂಡಗಳು ಮುಖಾಮುಖಿಯಾದವು. ಟಾಸ್ ಗೆದ್ದ ಬೀದರ್ ತಂಡ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟಿಂಗ್ ಮಾಡಿದ ಬಾಗಲಕೋಟೆ ತಂಡ ನಿಗದಿತ ಇನ್ನಿಂಗ್ಸ್‌ನಲ್ಲಿ 419 ರನ್‌ಗಳ ಬೃಹತ್ ಮೊತ್ತ ದಾಖಲಿಸಿತು. ತಂಡದ ಅಭಿನವ್ 117 ಎಸೆತಗಳಲ್ಲಿ 213 ರನ್‌ಗಳ ಸ್ಫೋಟಕ ಇನ್ನಿಂಗ್ಸ್ ಆಡಿದರೆ, ಪ್ರೀತಮ್ ಕುಮಾರ್ 57 ಎಸೆತಗಳಲ್ಲಿ 65 ರನ್ ಹಾಗೂ ಮಿಥು...
